JAYAPURA, SUARAPAPUA.com—Siaman bilong Legislatif Komiti United Liberation Movement For West Papua (ULMWP), Edison Waromi i tok olsem Spesol Otonomi em i olpela prodak wantai nupela kawa, em i no gutpela solusen bilong pinisim ol hevi bilong Papua, tasol otsus em i politikal lolipop ol i givim bilong stilim natural resources bilong West Papua.
“Otsus i go het i bilong eksploitim na eksplorim natural resourses bilong West Papua. Olsem na mi ken tok Ostus ino solusen. Papua bai i no inap tru long gatim gutpela sindaun sapos stap wantaim Indonesia,” Edison i toktok strong taim mitim suarapapua.com long Sentani, Fride long apinun.
Long tingting bilong em yet i olsem, stretim olgeta hevi oh givim indipendens long ol pipel bilong Papua tru tumas bai ol i pilim dispela sapos Indonesia i givim bek politikal na ekonomikal raits bilong kantri West Papua.
“Basic Raits bilong ol pipel bilong Papua mas ol i givim bek. Dispela em wanem ol i kolim indipendens.”
Em i tok, desain bilong Otsus Jakarta em i polisi disain bilong ekstenim kolonialisim long ol indijines Papua antap long graun bilong ol yet, bihaim ol Papua bai i pinis.
Em i tok stragel bilong West Papua i no stragel nating na neks Pipels agenda em i bilong pinisim politikal status bilong West Papua long pes bilong Intenesenel.
“Victory em i bilong Papa God, tasol em i bilong ol Pipel bilong West Papua tu. Mipela i hop olsem dispela lastpela agenda weda em i refrendum o ol arapela intenesenel mekanisim tu i ken ron,” em i tok.
Em i hop olsem West Papua Pipel i nid long ful sapotim dispela Papuan Pipels Petisen bilong makim rot bilong laip bilong ol yet.
Bipo taim, Benny Wenda, Siaman bilong ULMWP i tokaut long eksen na singaut we i tokaut strong olsem sait bilong em long Eksekutif ULMWP i sapotim dispela Papua Pipels Petisen bilong sakim otsus II volim na askim long long makim rot bilong laip bilong ol yet.
“Eksekutif ULMWP i wokim singaut long ol pipel bilong West Papua insait long Kantri, long Indonesia na Intenesenel long patisipeit insait long Papua Pipels Petisen eksen. Sakim II volim bilong Spesol Otonom.Nau, eksekutif ULMWP i kamap olsem Mandate holder bilong ol pipel bilong West Papua na kisim ful responsibel long end result bilong dispela Petisen bilong sakim Otsus.”
Ripota: Charles Maniani
Edita: Elisa Sekenyap
