JAYAPURA, SUARAPAPUA.com— Theo Hesegem, Dairekta bilong Eksekutif Yayasan Keadilan dan Keutuhan Manusia Papua (Intenesenel Human Raits Sapota), long Papua, poromanim Ikabus Gwijangge, Siaman bilong DPRD bilong Nduga hendim ripot bilong human raits alleged keis long Nduga long Siaman bilong MRP, Timotius Murib long opis bilong en, (28/8/2020).
Theo Hesegem, Dairekta bilong EYKKM Papua bihain long hendim ripot i tok, obligeisen bilong mipela ol pipel i olsem mipela i hendim pinis dispela ripot long instityut na Lida man bilong Papua Pipels Kaunsel (MRP) long eksenim moa intenali.
“Lokal Level Memba (DPR) makim maus bilong ol pipel, na makim maus bilong ol viktim tu, tete mipela profesionali hendim dispela ripot long MRP, na mipela i laik tru long tokaut olsem long Nduga em igat human raits alledged. Em i tok.
Hesegem, i gat bikpela hop olsem MRP i ken kamap bris long brisim ol long kisim dispela aspiresen bilong ol i go long Jakarta long stretim olgeta keis bilong human raits vailens long Papua, inkludim dispela Human Raits keis long Nduga tu.
Mipela i hop olsem ol dispela viktim we ol i kilim i dai i kamap lastpela long dispela tupela viktim Selu Karunggu, 20 na Elias Karunggu, 34 Krismas. Ol em ol i sivil sosaiti sitisen we status bilong ol i kamap refuji bihain long insiden long 2nd Disemba 2018 long Yigi Distrik, long Nduga, i no bin gat wanpela investigeta i godaun long mekim wok painim aut long hap bilong insiden yet, nogat tru,” Hesegem i tok.
Hesegem i tok strong olsem, pipel long Nduga inap nau i nidim aplaiens bilong Lo, we dispela lokesen i nidim tru investigeta long investigetim hap bilong ol we insiden i kamap long em, long wanem ol manmeri long hap i nidim klia tok long wanem tru i kamap long graun bilong ol, weda em i tru o nogat.
“Ol Pipel i nidim Lo aplaiens, sapos dai i kamap pinis namel long ol pipel na bihain Indonesian Ami na Polis (TNI/Polri) i klemim olsem ol dispela lain ol i kilim em ol Fri Papua muvmen memba, Am Kriminal Grup (KKSB) we Am kriminal i nogat pruf na tu i nogat fair investigesen i kamap, tru tumas mipela i bel nogut na i no laikim tru, i mas i gat ol pruf na witnes i tru na pure,” em i tok.
Long dispela, Timotius Murib, Siaman bilong Papua Pipels Kaunsel (MRP) i apresieitim ol dispela lidaman bilong Nduga wantaim Papua Human Rait sapota husait i kamap long dispela taim bilong hendim dispela ripot we i soim konsen bilong ol long impotens bilong laif na sefti bilong Indijines Papuan.
“Papuan Pipels Kaunsel (MRP) i kisim pinis na bai eksenim dispela ripot bihainim instityut mekanisim, long wanem dispela ripot we Lokal Memba (DPRD), Rejinal Memba na Human Rait Sapota i hendim i soim konsen bilong ol long impotens bilong sevim laip bilong indijines Papuans antap long graun bilong ol yet Papua,” em i tok.
Ripota: Agus Pabika
Edita: Elisa Sekenap
