JAYAPURA, SUARAPAPUA.com— Komunikesen Forum bilong Deiyai Sumatin (FKM-KD) insait long Jayapura taun i hostim kibung bilong laitim 1000 kendel long tingim ol rasis viktim we bin kamap long Deiyai, 28 Oges 2019.
Kodineta bilong Lo na Human Raits long FKM-KD insait long Jayapura taun, Apniel Doo, i tok dispela kibung bilong laitim kendel ol i mekim i bilong tingim bek dispela ol rasis viktim long Deiyai, olsem na em na lain sumatin tu wantaim i tingim dispela na holim dispela kibung bilong tingim 1 yia bilong dispela insiden bin kamap long Deiyai.
Em i tok, mipela olsem ol sumatin ino inap long stap isi nogat, dispela bai mipela i toktok na toktok yet long olgeta diskrimineisen, opresen, holap,intimideisen na tu kilim idai we aparatus TNI/Polri i go pas long em.
“Mipela bai i sasim lokal level gavman, provinsial na sentral gavman. Long wanem mipela i lukim olsem planti tru human rait ofens na lo i bruk bin kamap olsem long Paniai 7-8 Disemba 2014, Oneibo (Deiyai) Meseka de 1 bilong mun Oges 2017 na rasis viktim long Deiyai 28 Oges 2019,” Apniel i tok, fraide (28/8/2020).
Em i hop olsem stet mas stretim dispela olgeta hevi, tasol sapos stet ino inap tru long stretim, moa beta lusim West Papua long sanap em yet long makim rot bilong em yet.
Siaman bilong FKM-KD Deiyai, Yance Pakage, i toktok insait long dispela kibung olsem ol sumatin bilong Deiyai insait Jayapura taun laik tru long lukluk bek na tingim dispela ol rasis viktim we bin kamap long Deyai long de 28 bilong mun Oges 2019, we ol kombain arm fos i bin kamapim brutal gan sut long ol sivil sosaiti. Dispela em i Human Raits ofens ol i kamapim.
“Ino asua bilong ol pipel, tasol em i asua bilong sekuriti fos. Insait long ol dispela insiden 8-pela man i lusim laip, na 39-pela bilong ol i kisim bikpela bagarap tru,” em i toktok strong.
Em i tok, lain bilong em i laitim 1000 kendel bilong tingim ol dispela viktim.
Em i tok moa olsem, Nesen mas tingim olgeta Human Raits ofens i bin kamap long Papua,na mas stretim olgeta yet inap pinis bilong en.
“Ol dispela Ofens mas igat solusen bilong em, Ol i mas stretim bihainim lo we dispela Nesen igat long em,” em i tok.
Yance i tok klia olsem itru planti Human Raits Lo ol i brukim long Papua, na mipela olsem ol sumatin ino inap lusting nogat, bai mipela i tingim long bel yet na oltaim bai mipela i laitim 1000 kendel long tingim dispela.
“Mipela i no laik tru long harim ol rasis toktok i kamap ken long namba tu na namba tri taim ken, inap dispela wanpela taim tasol, long wanem mipela i no laikim dispela i kamapim moa viktim long Papua,”em i kliaim.
Ripota: Yance Agapa
Edita: Elisa Sekenyap
