JAYAPURA, SUARAPAPUA.com —Jeneral Egianus Kogeya, Areal Komanda( Kodap) III, Nesenel Liberesen Ami bilong West Papua (TPNPB) Nduga, Papua, wing Militri bilong Free Papua Oganaisesen (OPM) i tokaut olsem, em i baim Rafol (gan) na Katres samting long Indonesian militri.
Egianus i tok olsem, lain bilong en, i save baim raifol na katres long TNI na Polri. TNI na Polri i salim bikos, long dispela ol i kamapim binis fil long painim kaikai.
“Sapos nogat (ino salim amunisen), ol (TNI na Polri) bai i kisim kaikai we. TNI/Polri salim olsem na mipela i baim,” Egianus i tokaut long suarapapua.com long fraide (24/7/2020).
Em i tokaut ples klia, mipela i save baim long ol soldia boi na polis boi (sabodinet-Memba) bilong ol. Ol dispela sabodinet memba i save komuniket wantaim ol lida man bilong ol. Bihain long igat tok orait, mipela i baim.
“Mipela i baim, bikos, mipela i nidim. Na ol i salim, bikos ol bai i kisim kaikai long we [sapos ino salim amunisen na gan],” Egianus i autim tok tru.
Egianus i toktok moa olsem, ol lida man bilong ol i salim, ol soldia na polisboi ol i kisim i go.
“Ol lidaman bilong ol i salim,ol wokboi bilong ol, i karim igo. Mipela i baim bikos mipela nidim long stragel bilong mipela,” em i tok ken.
Sapos long gan, Egianus i tok, wankain olsem amunisen, hau mipela i save salim na baim long lain bilong ol em dispela rot tasol mipela i yusim long salim na baim.
“Sampla mipela baim, sampla mipela i save rausim long TNI na POlri taim pait wantaim ol,” Egianus i tokaut.
‘Em i no nupela samting’
Olsem tirto.id i bin kuotim, Indonesian International Amnesty, nirlaba oganaisesen i rilisim long ripot bilong untouch murder (kilim ino pilim) mama lo long Papua last yia, i hariapim TNI long mekim wok painim aut long salim na baim amunisen we ol ami bilong em tu i wok bung wantaim insait.
“Tingim tasol taim dispela amunisen ol i salim long em, mipela i yusim bilong pait bek long ol aparatus o sivil sosaiti,” Haeril Halim long Amnesti i toktok long Tirto, moa olsem, man husait i mekim dispela mas i go long jeneral jastis na sidaun long trupela lo mekanisim.
Em i skelim olsem dispela spred bilong gan na amunisen em i “siries problem” spesoli long Papua, sait bilong sikiriti garanti konsen na sitisensip lo proteksen. “I gat planti human raits vailens we i kamap hap bilong konflik long ol ples we wok bung bilong sikulesen bilong masket gan samting we ol i mekim long ples hait, gan o amunisen,” Haeril i tok.
Khairul Fahmi long Institute For Security and Strategic Studies i tok, baim na salim gan, spesoli long ol konflik area olsem long Papua, ino nupela samting.
“Wok bung bilong TNI insait long dispela transeksen bilong gan long Papua, i no inap tru long mipela i kirap nogut. Dispela em i no ideologik. Taim igat nids, mani tu istap, komunikesen kamap, nids i stap pinis, pasim tok wanbel i kamap,” Fahmi i tok.
Maski i olsem pinis, yes, dispela ol keis, ol ino inap tru long ol i jastifaim, Fahmi i tok moa. “Disipela em i soim olsem disiplin na loyalti bilong sampela memba bilong TNI, ken lus long mani. Maski mi yet i tingim olsem, igat ol narapela aspek we mas lukluk moa, i mas olsem, igat fos i kamap o ol i harim komand bilong ol man we igat posisen antap long ol (Lida man).
“TNI i mekim koreksen pinis o no yet?” Fahmi i mekim smatpela askim. “TNI i impruvim pinis long l dispela keis we i no inap kamap ken? Olsem wanem long wok supavaisa? Na mas tingim, dispela em enlista (sildiaboi/wokboi) level i mekim, olsem wanem long responsibiliti bilong ol lida man bilong ol?”
Sikulesen bilong Amunisen na Raifol i kamap konsen bilong Papua Rejinal Polis.
Long 13 de biong mun Julai, olsem Noken Live i anaunsim, Papua Polis Chief Komanda, Irjen Paulus Waterpauw i tok olsem, sikulesen bilong raifol na amunisen i stil kamap siries konsen bilong sikiriti fos spesoli long Papua Rijen..
Mama LO i kamapim pinis olsem, husait i gat rait long kipim na yusim raifol, em i TNI na Polri tasol. Bihain gat ol lain sampela aparatus we ol i makim pinis ol holim raifol samting. Olsem Polsus (Spesol polis) na ol kastoms. Ol i gat rait tu long holim na yusim long wok ples bilong ol.
Tasol, Waterpauw i tok, igat sampela sivil sosaiati tu i holim raifol na amunisen na mekim pasin kriminal.
“Ol barata bilong mipela i yusim raifol na kamapim vailens agensim lo long ol sivil pipol na tu ol lidaman fomal na ino fomal na tu long ol lain long hap,” Waterpauw i tok moa.
3 pela TNI memba husait i salim amunisen i raus long wok
Long februari 2020 igo pinis, Militri Kot we Letnan Kolonel M. Idris long Jayapura i go pas, em i rausim,kotim na salim i go long sel 3pela memba bilong ami, evidens i soim olsem ol i salim planti amunisen (katres) long ol Raifol Kriminal long Papua.
Serda Wahyu,husait i raus long wok, kot i sasim em long laif taim kalabus. Viktim; Okto PR Maure na Pratu Elias KS Waromi tu i raus long wok na 2pela kot i sasim ol wanpela 10 yia na arapela 2 yia kalabus.
“Evidens i soim na pruvim olsem ol i rong long kisim na kipim amunisen (katres),” Loya Letkol Idris i tok.
Ripota: Arnold Belau
