BeritaOperesen long Ples Wulaima, Theo Hesegem: TNI/Polri Aparatus Paitim Tupela Yutman na...

Operesen long Ples Wulaima, Theo Hesegem: TNI/Polri Aparatus Paitim Tupela Yutman na kism ol Propeti bilong Komuniti Manmeri

JAYAPURA, SUARAPAPUA.com—Theo Hesegem, Ekseketif  Dairekta bilong Yayasan Keadilan dan Keutuhan Manusia Papua i tokaut olsem, long de namba 1 bilong mun Oktoba 2020 kombain TNI/Polri aparatus i mekim operesen long ples Wulaima,Wutlik, distrik Kurima, Yahukimo rijen, Papua.

Em i toklia olsem, long 30 Septemba 2020 long 3.49 eli moning, kombain aparatus bilong TNI/Polri i kamap long ples Wuluaima, ol i kam olsem long Wamena, Jayawijaya rijen tru long maunten Esilek, antap bilong ples Wuluaima.

Bipo long dispela, trups i kam insat na was long long nait taim, na long 3.49 eli moning taim taim, ol i raunim pinis hamaspela ol haus kunai istap long ples na long 4-5 kilok ol i statim operesen long ol dispela hamaspela haus kunai istap long em.

Komuniti memba we igat ol pikinini, ol meri, ol man na tu ples Kaunsel bilong ples Wuluaima yet i kirap nogut tru long taim ol i pirapim hanbom,” Theo Hesegem husait i Yumen Raits difenda long pegunungan tengah i kliaim tok long long Wamena long suarapapua.com, Sarere (31/10/2020).

Bihain long sutim na pairapim hanbom, Hesegem i tok, aparatus i stat long sekim ol komuniti memba husait em ol pikinini, ol meri na ol man. Long taim ol i sekim ol, ol i senim han bilong sampela ol man na paitim ol wantaim as bilong raifol.

Igat tupela yutman husait nem bilong ol NW (23), haiskul sumatin long Wamena na stap tu long Wamena, tasol i laik visitim papamana husait i sik long ples Wuluaima. Ol i paitim het bilong tupela long as bilong raifol, na krungutim ol long baksait na bros bilong ol, na kikim ol wantaim su gumi. Ol i panisim nogut tru ol dispela ol pikinini, na blut i kam aut long nus na maus bilong NW.

“Asde, Fraide (2/10/2020) mi go bilong kisim ol i go long hausik, tasol femili bilong ol i tok long bai tritim ol long haus tasol, olsem na tupela i kisim medikel tritmen long has bilong femili lain long Wamena. Meanwhile igat helt opisa husait i halivim long tritim ol. Mi yet em i laikim bai tupela mas kisim tritmen long hausik stret, tasol long askim na laikim bilong ol lain femili ol i kisim medikel tritmen long haus.”

Baca Juga:  Puspom TNI Terkesan Tertutup Proses Hukum 13 Tersangka Penyiksaan Warga Sipil di Puncak

Long taim mipela i go long hap [Wuluaima], mipela bungim ol kombain aparatus husait i kamdaun long Wuluaima long ples Esaliem.Ol i kisim tupela man husait nem bilong ol YL (meri 22 krismas) na ET (man 13 krisman) husait ol i holap long ples Wuluaima. Ol i holim ol long as bilong sekim ol olsem witnes.

“Olsem na mi askim ol aparatus long kisim ol gut igo long Jayawijaya polis stesin bilong sekurim ol. Mi tokim ol long noken kamapim sua na givim pen loong skin bilong ol, noken tru. Mi ringim Jayawijaya Polis stesin Komanda tu. Na tu mi tokim tuplea yangpela long mas noken fret bikos ol i ksim ol long wanem ol i kamap saspek, na bai mipela rereim Loya bilong ol. Bihain long ol i sekim ol, ol i larim tupela igo fri asde, Fraide (2/10/2020) long wanem Polis stesin Komanda i tok, ol i no bungim wanpela asua bilong tupela.”

“Mipela i gat Follow-up plen long bungim Polis Hetman bilong Polis, Hetman bilong Ami na Komanda bilong Batalion. Bihain bai mi raitim pas long Instityut igo long ol.”

Wanpela bilong ol viktim kombain Aparatus TNI/Polri i paitim long Ples Wuluaima (Dok. Theo Hesegem bilong SP)

Long Wuluaima go Wutlik, bihain long Wutlik abrusim ples Esaliem i go long Wara Yetni we bihaun igo stret long Wamena. Ples Wuluaima yet em i stap long maunten sait we i tekim 2-3 aua long Wara Yetni, tasol bilong go long Wamena em i moa longwe.

Hesegem i toklia olsem, insait long dispela operesen, ol pipel i kisim hevi. “Moa em moni, ol henfon bilong ol ol aparatus i kisim, na sutim idai ol pik bilong ol,” Hesegem i toktok wantaim strongpela nek.

“Mi ringim Militry Resot Komanda (Danrem)  tasol em i tok olsem em i no save na ino bin kisim wanpela ripot long dispela insiden long Kurima. Em [Danrem] i tokaut olsem ol dispela ino trups bilong em na ol i no stap aninit long kontrol bilong mi, olsem na mi no save. Sapos olsem i min olsem dispela em ol non-oraganic,” em i tok.

Baca Juga:  Siswa SMKN 1 Paniai Lulus Dengan Nilai Memuaskan, Kepsek: Kami Bangga

Hesegem i askim, hau ol dispela non-organic trups i no kordinet long ol organic trups n igo insait long dispela area. Sapos i olsem kam bilong ol [TNI/Polri] mipela i ken tok olsem ol i kam olsem stilman long wanem kam bilong ol inogat toksave na tu ino kordinet wantaim ol organic trups husait i stap kontrolim dispela area.

“Sem taim tu mi askim kamap bilong ol kombain aparatus long ples Wuluaima, Kurima distrik long Jayawijaya Polis stesin Komanda na Dandim 1717/Jayawijaya, tasol ol i no mekim wanpela toktok. Dandim em i stap aninit long Pangdam hsuait i kontrolim Danrem, meanwhile Danrem i tokaut olsem em ino save long kamap bilong ol (TNI/Polri).”

Hesegem i toklia, insait long dispela bodi TNI/Polri organic na non-organic wantaim long Papua i luk olsem miskomunikesen istap. “Oi i luk olsem inogat gutpela wokbung namel long ol yet, tasol dispela stetmen bilong ol i tru o ol i haitim tasol baksait long skrin, dispela pat em mi tu bai i noinap long save!”

“Mipela i wari, sapos i ol manmeri i kamap viktim bilong dispela ol kombain trups, bai ol i painim proteksen long we? Ol viktim bai askim long Ami Komanda o Presiden Jokowi Dodo, meanwhile mipela long Papua igat Lida man i go pas long kamapim ol ruls.

“So long dispela taim igat tupela man hsuait i kisim medikel tritmen long Wamena, na narapela tupela husait wanpela em meri na arapela em man we kombain aparatus bin holap long sekim ol moa long Jayawijaya Polis stesin ol i salim ol i gobek pinis.

Em i tokaut tu olsem,igat sampela infomesen we i kamap viral long sosial media, stat long kukim ol haus selta bilong komuniti na sutim 5 pela TPNPB memba. Dispela olgeta em i no tru, dispela em ino valid infomesen.

Baca Juga:  Dukung Kanaky Bebas Dari Prancis, KNPB Gelar Aksi di Jayapura

Narakain samting olgeta, Hesegem i tok, hau na ol dispela kombain aparatus ken save long stap bilong ol pipel inap long ples we istap long tru antap long maunten. Dispe em sampela ol mas yusim sampela ol lokal courier wantaim pe we i gutplea liklik.

Taim mi askim  husait em target bilong dispela operesen bilong ol long Wuluaima, Theo i tok, long miting bilong lain bilong em wantaim Jayawijaya Polis Stesin, Polis Chied i tok, kombain aparatus (TNI/Polri) husait i go long ples Wuluaima distrik Kurima em long trai bilong painim Rambo husait nem bilong em istap long wanted list bilong ol (DPO)

Meanwhile, long kam bilong ol Nduga manmeri long ples Wuluaima, Hesegem itok, Ol Nduga komuniti memba husait i kam long ples Wuluaima ol igat femili rilesen.

Em it tok, long hap igat tupela ples, wanpela ples istap aninit long gavman bilong Nduga Rijen na arapela ples istap aninit long gavman bilong Yahukimo, olsem na ol i go long hap. “Tasol ol manmeri husait ikam na stap long hap em ol refuji bilong Nduga,” em i tok.

Bipo long dispela, long konfimesen resal bilong suarapapua.com long Dandim 1715/Yahukimo, Letkol Inf Christian FR Ireeuw long, Fonde (1/9/2020) i tokaut olsem em i no save long stap bilong ol dispela TNI aparatus long Kurima, Yahukimo.

“Inap long dispela taim mi olsem Dandim ino save em ol trups long wanem hap ikam insait long hap kontrol area bilong mi we ino gat kodinesen bilong ol wantaim mi olsem Dandim. I tru olsem sampela ol komuniti memba i tokaut long dispela, tasol prepetreta (man i wokim) istap pinis long Wamena Polis stesin. Kain olsem!” Letkol Inf Ireeuw i toklia tru long sotpela WA toksave.

 

 

Ripota: Elisa Sekenyap

Terkini

Populer Minggu Ini:

Tolak Yonif 762, Warga Tambrauw Palang Pos Satgas 623 di Fef

0
“Pasca kematian Moses Yewen, keluarga dan masyarakat telah menyampaikan pernyataan penolakan kehadiran Yonif 762 di Tambrauw kepada Kodim 1810, DPRD dan bupati Tambrauw. Tetapi Panglima TNI mengeluarkan surat perintah kepada Yonif 762 untuk melaksanakan tugas di Fef. Hal ini yang memicu pemalangan pos Satgas,” ungkapnya.

Fortnightly updates in English about Papua and West Papua from the editors and friends of the banned 'Suara Papua' newspaper.