JAYAPURA, SUARAPAPUA.com—Persatuan Advokat Hak Asasi Manusia (PAHAM) Papua i askim Yumen Raits Nesenel Komisen (Komnas HAM) Indonesian Republik long mas stretim sampela ol kes i kamap we i paulim tingting bilong sivil sosaiti long Papua insait long dispela tripela mun.
Wanpela bilong ol dispela kes we tingting istap strong olsem Nesenel Indonesian Ami (TNI) i mekim long pasto Yeremias long 19 de bilog mun Septemba long ples Bomba, Dsitrik Hitadipa insait long Intan Jaya rejensi, Papua i no long taim long nau.
“Mipela i askim long Komnas HAM RI long mekim wok painim aut, na pablisim kaikai bilong investigesen, na mas putim ples klia na mas go tru long Lo proses long dai bilong pasto Yeremias Zanambani, Elias Karunggu (40) na Seru Karunggu (20) long 18 Jukai 2020 long Nduga, dai kes bilong Melki Merek Maisini (16), Armando Bebari (20) na Roni Wandik (23) long 10 na 13 de bilong mun April 2020 long Timika, dai bilong Hendrik Lokbere long 20 Desemba 2019 long Nduga, na dai kes bilong Melianis Dogopia(18) na Yulyanus Mote (18) long 21 de bilong mun Mei 2019 long Deyai,” Advokat Gustaf Kawer bilong PAHAM advokat i mekim strongpela toktok long pres rilis bilong em long suarapapua.com, tunde (22/9/2020).
Sampela gan sut kes i kamap long combine operesen bilong TNI/Polri aparatus wantaim paswod bilong operesen ol i kolim Mangkawi, operesen we i kamap pinis long 2019 wantaim TPNPB Fri Papua Oganiseisen (OPM), inap long tete ol i kisim ofisial tok orait long Presiden Joko Widodo.
Operesen area em Timika, Nduga,Intan Jaya na sampela rijen moa istap insait long em. Long stat bilng. Long stat bilong Mangkawi operesen, planti tru Papuan sivil sosaiti i kamap viktim we TNI/Polri i kilim long Intan Jaya, Nduga na Timika rijiel.
PAHAM i bilip olsem, kilim idai kes bilong pasto Yeremias Zanambani em i wanpela kilim dai eksen we i narakain olgeta na dispela yumen raits vailens em i wanpela kain serius vailens tru. Dispela eksen em ino yumeniti nogat, em i stap insait long Yumen raits lo we i hevi tumas, olsem sapta 7 lain b Junto 9 long legal lo namba 26 yia 2006 bilong Yumen Raits.
Ino lidaman bilong sios tasol nogat, planti sosaiti na komuniti long Intan Jaya, Moni klen na olgeta Meepago Kastomari area i rispekim em tru, PAHAM i rekodim olsem dispela kes em i wankain kes we i kamap long pasto Gimin Narigi we i dai tu long gan sot taim aparatus bilong stet i mekim wok swiping long Mapenduma taim gan konflik i kamap namel long TNI/Polri na TPNPB long Nduga. Pasto Gimin Narigi fate bilong em i nogut olgeta, long wanem bihain long ol i sutim long gan, ol i kukim bodi bilong em long paia na ino bihaim fineral proses olsem i save kamap long em.
Insait long tripela mun, kilim dai we i narakain olgeta arasait long lo i we Lo enfosa i mekim long ol lain Papua we inogat kot proses bilong em long kisim jastis na soim sain olsem ol lo enfosa yet i honarim lo, tasol nogat, ol femili bilong ol viktim i kisim tok sori nating long ol dispela lo enfosa.
“Gavman tu ino tekim konsen long dispela. Ol i pasim maus na stap isi antap long ol dispela ol inyumen vailens long ol Papua pipel, olsem tru kilim i dai bilong Papua pipel em i samting nating long dispela stet,” Advokat Yohanis Mambrasar i tok.
Long dispela as tasol, PAHAM i fosim Indonesian gavman long mas stopim apros bilong sekuriti fos long stretim hevi na ol konfik long Papua.
“Mipela i givim tingting long Indonesian gavman long mas yusim gutpela apros we inogat vailens bilong em olsem dialog o skelim tingting igo ikam, olsem bai i ken toktok na pasim tok wantaim TPNPB, long as bilong pinisim dispela ol konfik vailens long Papua”.
“Mipela i mekm dispela singaut i go long olgeta komuniti na sosaiti long Papua, Indonesia na Intenesenel na tu long ol Yumen Raits Was Komuniti, Sios komuniti, ol artist, ol akademiks komuniti, Sumatin, Ol Meri na Kastom komuniti long mas putim ai wantaim long lukim dispela developmen bilong Yumen raits long Papua na singaut long Indonesian gavman long mas putim stop long olgeta yumen raits vailens Long Papua. Stretim dispela hevi bilong konflik long pisful we,” em i tok.
Ripota: Charles Maniani
Edita: Elisa Sekenyap
