TAMBRAUW, SUARAPAPUA.com—Ethus Kareth, eks Papuan Politik kalabusman i tokaut strong olsem em na lain bilong em i sakim eksten bilong II Volim bilong Spesol Otonomi (Otsus) na askim long refrendum olsem pis (bel isi)solusen.
“Mipela ol eks politik kalabusman (eks Tapol) i sakim dispela otsus II volim, mipela i sasim Indonesia long olgeta rait bilong mipela long makim rot bilong laip long sanap long mipela yet,” Ethus Karet i tokaut moa long seketariat ino long taim lon nau.
Em i tok, implimentesen bilong Otsus long dispela 20pela yia i no bin i go orait bihainim mandate na tu hop bilong pipel, nogat. Sem taim, Papua gavman tu ino strong long kamapim tingting we ken kisim sait bilong ol pipel long Papua, dispela tasol oltaim i save mekim na Papuan sosaiti i kamap viktim.
“Gavana, Rejinel Memba na Pipels Kaunsel (MRP) ino strong long kamapim disisen bilong ol dispela biklain manmeri, olsem na oltaim, Papua i save kamap viktim. Ol Papuan Mama, inap nau, maket hap bilong ol i stil stap antap long ol foothpath arere long rot, nogat fri edukesen, fri helt sevis we gavman i givim long mipela,nogat tru,” Kareth i tok moa olsem.
Narapela eks Politik kalabusman, Laurenzius Syufi i askim gavman long mas givim olgeta rait long ol pipel bai i ken makim yet rot bilong laip ol i laikim long em.
“Gavman i mas stopim nau long fosim II volim bilong Otsus, na mas givim olgeta raits long manmeri long makim rot bilong laip bilong ol yet wantaim olgeta fridom ol i gat long em, we nogat wanpela mas painim trabel (interfer) na fosim laik bilong ol,” Syufi i i strongim nek.
Em i tok, Otsus i ino inap tru long givim bikpela hop long pipol, olsem bai ol pipel i stap fri antap long kantri bilong ol yet.
“Otsus i stap tasol watpo Papua Pipel oltaim i save stap aninit long presa, planti tru Human Rait vailens i save kamap, we ino bin igat solusen bilong em. Olgeta Pipels Rait ol i dipraivim wantaim fos. Long dispela as tasol, mipela strong long sakim seken volim bilong Spesol Otonomi ,”Em i pinisim tok.
Ripota: Reiner Brabar.
Edita: Elisa Sekenyap
