TAMBRAUW, SUARAPAPUA.com—Human Rait Komisen mas i go daun long Tambrauw Rejensi na kisim data bilong ol militri aparatus i save kamapim vailens,opresim na tu intimidetim sivil sosaiti long distrik Tambrauw, long West Papua Provins.
John Djamamoma, Siaman bilong Jastis Solidariti bilong Indijines Papua (SPKB-OAP) i askim Human Rait Komisen long go daun na lukim dispela siries hevi i kamap long Distrik Tambrauw.
“Mipela SPKB-OAP i kesim strong dispela vailens aksen bilong ol militri aparatus we ol i kamapim long olgeta dispela taim. Mipela laikim RI Human Raits Komisen long i mas kam daun na lukim ol aparatus husait i paitim nogut sivil sosaiti long ples Miyah bilong distrik Fef na vailens ol i kamapim long fopela asples bilong distrik Kwor we i bin kamap long arere bilong pinis bilong mun julai,” Johan i mekim strongpela nek long suarapapua.com, long sekretariat Kaki Abu ino long taim long nau.
Ino dispela tasol, lain bilong em tu i askim gavman bilong Indonesian Republik long mas responsibel long olgeta vailens ol militri aparatus i kamapim long Tambrauw.
Militri i kamap long Tambrauw bikos long askim bilong gavman, olsem nau na nesen mas kisim ful responsibiliti long olgeta kainkain vailens na tu opresen we i bin kamap oltaim.
Long dispela as tasol, makim maus bilong biklain manmeri bilong Indijines Tambrauw Jastis Solidariti i askim strong long sakim dispela developmen bilong Distrik Komando Militri (Kodim) na Koramil long Tambrauw Rejensi.
Stet i mas responsibel long ol olgeta vailens eksen ol militri bilong ol i mekim long sivil sosaiti long Tambrauw distrik.
Laurenzius Syufi, wanpela bilong ol sumatin bilong Tambrauw rijen i tok moa olsem, stat long taim ol militri i kisim ples long hia,i mekim asples manmeri i isatp wantaim bel i pret long wanem planti i wok long pesim dispela ol vailens eksen bilong ol militri, opresen na tu intimidesen.
“Kam bilong militri long Tambrauw i nogat benefit tru long Tambrauw komuniti, long wanem stat long kam bilong ol, manmeri i stat long pesim vailens, opresen na intimidesen, “Syufi i tok.
Militri i kam insait em i bilong protekim ol biksot na karampim impotens bilong bisinis long bihain taim, na i no tingim ol raits na humaniti sait bilong Tambrauw rejensi.
Ripota: Reiner Brabar
Edita: Elisa Sekenyap
