JAYAPURA, SUARAPAPUA.com—Ruland Kabak, ripota bilong radio Bumi Sumohai Dekai bin ol i stopim long kaverim na mekim nius long Yahukimo Polis Resot, Papua. Dispela insiden i kamap long 27 Oges 2020.
Ruland i bin laik kaverim na konfemim dai keis we kamap namel long sosaiti sampela dei i go pinis long Dekai Yahukimo Distrik.
Ruland Kabak i tokaut, long 27 Oes 2020 polis aparatus i stopim em long sekuriti gat pos bilong Yahukimo Polis resot.
“Taim i makim 11 kilok mi kamap long sekuriti gat pos. Ol i askim mi na mi tok, mi ripota bilong Radio Bumi Sumohai. Mi laik kam konfemim dai keis asde, bihain ol i salim mi go insait.”
“Arere long entrens bilong opis, sampela polis memba i stopim mi. Wanpela trafik polis askim mi laik go we. Mi tok laik konfemim dai keis kamap asde na wantu Taskfos memba kam na pusim mi na tok nogat. Yu gobek inap tripela taim em i mekim wankain nek na pusim mi inap long sekuriti gat pos,” Ruland i klarim tok.
Ruland i Tok, wok bilong pus pus long mi tasol na Press Kat handel bilong mi i buruk. “Mi tokim ol pinis yes mi gobek, noken pusim mi olsem, tasol wanpela bilong ol [polis memba] i kam klostu long mi na tok yu sakim mipela. Yu go, press kat bilong yu i nogat garansi bilong em long laip bilong yu,” em i tok.
Wankain i bin kamapm tu long Ripota bilong Suara Papua, Atamus Kepno, Trinde (2/9/2020) husait i traim long mekim nius long KPU Yahukimo opis, tasol bipo long dispela em i sua long Yahukimo Polis Resot na ol i stopim em.
“Yes mi bin stap long Korido bilong i go long haus sel, istap arere long Reskrim opis. Long hap, ol i sekim bek bilong mi, bihain em [polis memba] askim yu junalis ah. Bihain long em i lukim ID kat bilong mi em i tok yupela i noken mekim ol giaman (hoax) nius ken. Tasol mi bekim tok bilong em, laik olsem wanem tu, em mipela i save mekim akoding long infomesen bilong ol stretpela na trupela Ki man mipela i save intevium (toktok), watpo sapos mipela i lusim. Olsem na em [polis memba] i tokim mi, sapos i nid, bai mipela salim yu go mitim Polis Chief, lidaman bilong mipela,” Atamus i klarim tok.
Polis Chief bilong Yahukimo polis resot, AKBP. Ingnatius Benny Ady Prabowo taim konfemim dispela insiden i tok, em bai i remainim ol memba bilong em long mas i noken ripitim ken wanem insiden ol i kamapim pinis.
“Bai mi rimainim ol polis memba long ol Press pren i ken konfemim pastaim, tasol Press mas noken kam insait long opis, moreover Reskrim opis na tu long huas sel long toktok wantaim ol kalabus man. Akses bilong junalis i em long mitim Kasat Reskrim na Polis Chief tasol,” Polis Chief i sotim toktok.
Ripota: Ardi Bayage
Edita: Elisa Sekenyap
