JAYAPURA, SUARAPAPUA.com— Askim bilong givim bek skolasip fan bilong Veronica Koman, sapota bilong HAM tru long Lembaga Pengelola Dana Pendidikan (LPDP) by Indonesian gavman tru long Fainens Ministri atlast i komplit.
Displela fan we ol Pipel bilong Papua long Papua yet, Indonesia na tu Intenesenel i kolektim long em, weda tru long Ebamukai o ol arapela sponsa bihain mipela i hendim long LPDP.
Ebumakai Solidariti Tim bilong Veronica Koman, tete, Trinde (16/9/2020) kam kamap long LPDP opis long Jakarta long givim bek dispela donesen fan bilong bekim skolasip mani bilong Veronica Koman, maski toksave bilong mipela i bin go pas pinis long 2pela dei bipo long go bilong mipela, LPDP opis i pas olsem na mipela ol representatif i tanim tasol na go long Fainens Ministri Opis.
Long Fainens Ministri Opis, inogat representatif husait i kamap long mitim Ebumakai Solidariti Tim olsem na mipela i surik ken igo long Ministri bilong Politik, Yumen Raits na Lo (Kemenkopolhukam) opis long hendim sampela ol dokumen na risit bilong prufim mani we mipela i transferim long beng akaun bilong LPDP.
Ol dokumen, Michael Himan, Yumen Raits Loya bilong Papua i hendim long Kemenkopolhukam i kontenim Red na Wait plak, wan milien rupia na Spesol Otonomi Lo.
Michael Himan, Loya bilong Veronica Koman na ol Papua Sumatin long Jakarta i tokaut olsem lain bilong em i no bel gut long tupela isntityut (LPDP na Kemenkeu), long wanem ol i no welkam na ekseptim ol long kam bilong ol.
“Tete mipela i kam long stretpela wei na wantaim ful rispek long hendim mani bilong stretim bekim bilong skolasip mani Veronica Koman long Indonesia, tasol ol dispela tupela instityut we althrouhgh this time i wok long strong long Veronica i mas bekim mani we stet i bin sponsa long stadi bilong em, olsem na mipela i go bilong soim pruf olsem mani mipela i putim pinis long akaun bilong LPDP,” Himan i toklia long suarapapua.com, Trinde (16/9/2020)
Em i tok, dispela i soim olsem Fainens ministri nilong Indonesian Republik inogat rispek na tasol ol i soim diskriminatif na rasis pasin long ol pipel husait i laik kam long hendim pruf bilong bekim skolasip fan bilong Veronica na ol arapela dokumen.
“Hau kam mipela askim bilong mit na lobi wantaim Ministri bilong Fainens tasol na ol ino welkamim mipela, aktuali planti kar na ol arapela transpot i wok long go insait na kamaut long opis get, na planti wokmanmeri i aktif long wok stap,” em i tok
Atlast mipela i surik igo long Kemenkopolhukam opis long hendim olgeta dispela ol dokumen. Stat long risit bilong mani transfer long LPDP beng akaun, red na wait plak, mani olsem wan milien rupia na wanpela pes bilong Otsus Lo we i soim olsem mipela i givim bek Otsus na sakim eksten bilong Otsus.
Ambrosius Mulait, eks Politik Kalabusman (Tapol), representatif bilong Ebumakai i bin kros liklik wantaim wei na pasin sekuriti i mekim long ol taim ol i kamap long Fainens Ministri opis we mipela i skelim olsem i stil rasis. Ol opisa na wok lain manmeri long hap i wok long sutim tok igo ikam long ol yet i mekim mipela i hat long bungim wanpela bilong ol tu, long wanem mipela tu i paul long husait mipela bai hendim pruf na ol arapela dokumen.
“Mipela husait husait i go long em bin kros liklik long wanem sekuriti i mekim long mipela. Hau mipela ol lain Papua i kam long gutplela wei wantaim ful rispek, tasol taim ol i lukim mipela wantu tasol ol i lokim get bilong entrens. Hau ol i lukim mipela i stil rasis,” Mulait i tok.
Dispela kain nau, Tim i save gut olsem stet i nogat laik na konsen long stretim hevi long Papua we ol yet i prufim tete. “Negosieisen we mipela i mekim stil i no karim gutpela kaikai, ol i givim eskyus olsem Covid na mipela ino inap long i go insait, aktuali insait long Fainens Ministri planti wokmanmeri i wok istap.
“Wanem mipela i laik tok em i olsem wanem stet i askim ino proposional wantaim wanem Pipel bilong Papua i givim. Gavman bilong Indoonesia igat dinau long ol pipel bilong Papua we ol i mas stretim. Wanpela bilong ol dispela hevi em i olsem aneksesen bilong Papua i go insait long NKRI we inao tete, mipela i stil kamap viktim.
“So Veronica em wanpela bilong kantri pikinini husait i soba na dediketim olgeta laip bilong em long stragel bilong Papua. Igat rong ah? Tasol stet wantaim olgeta pawa na autoriti bilong em i stopim wanem wok Vero i mekim. Long dispela nau, mipela i tok tok olsem wanem stet i mekim long Veroniuca wanem stet i mekim long ol Pipel bilong Papua tu olgeta dispela taim. Olsem na tete, Papua Pipel i prufim wok bilong Veronica Koman i skelim wantaim bilong Gavman bilong Jokowi.”
Mulait i tok, wanem ol Pipel bilong Papua i mekim nau em i pruf bilong histori bilong stragel bilng Papua na i no inap tru long mipela i lusim tinting olsem insait long strongim praid na digniti Papua pipel i mas baim wantaim bikpela amaun tru.
Ripota: Yance Agapa
Edita: Elisa Sekenyap
