WAMENA, SUARAPAPUA.com—Hetman bilong Statistik Ajensi (BPS) Jayawijaya regency, Jianto, i tok, populesen sensus yia 2020 em i egenda we wanpela taim insait long 10pela yia olgeta kantri i save mekim, ino long Indonesia tasol. Long wanem populesen sensus em i agenda bilong Unaited Nesen long lukim total populesen bilong olgeta hap bilong wol, inkludim Indonesia.
“Wok Sensus, ol i wokim sem taim long olgeta hap bilong Indonesia, na tu long ol Indonesian sitisen husait istap arasait long kantri, na wok bilong sensus i nogat rilesen wantaim politik,”Jianto Hetman bilong BPS long Jayawijaya na tu hendelim Yalimo distrik, Lanny Jaya, Mamberamo Tenga na Nduga Distrik long suarapapua.com taim mitim em long wok opis bilong em long Wamena, Fonde (17/9/2020).
Populesen Sensus em i rekomdesen bilong Unaited Nesen, olsem na Presiden bilong Indonesian Republik i komandim long mas mekim dispela wok bilong dataim populesen kwik taim, olsem na mipela stat long mekim dispela wok long det 1-30 Septemba 2020
“Wok bilong mipela em i klin na klia olsem dataim populesen, inogat rilesen wantaim wanem kain ol arapela intres nabaut. Olsem ol infomesen we i bin go viral long sosel media, sensus em i kompetisen bilong sakim II volim bilong Otsus. Long dispela nau, pati bilong em i askim olsem dispela ol tingting mas noken provoketim ol.”
“Mipela BPS husait i wok olsem situesen fotografa long fil na lukim trupla situesen bilong ol manmeri, laip bilong ol i olsem wanem. Olsem na mipela i wok long tingim advantage bilong ol pipel, ino narapela. Long dispela as tasol na mipela i hop na askim long mas haivim mipela long dispela wok bilong dataim populesen na ol trupela infomesen mipela iken kisim. Long wanem bihain taim wanem samting gavman laik mekim iken mets wantaim data mipela i kisim long fil,”em i tok.
Em i tok, pati bilong em i gat hevi long namba bilong wokmanmeri bilong mekim sensus long ol taun area na tu long ol ples, olsem na lain bilong em i rekrutim ol sampela wok patna bilong BPS long Jayawijaya distrik em long 40 pela ples long Jayawijaya distrik wankain tu long Nduga, igat patna we mipela i rekrutim.
Sapos toktok long ol dokumen bilong populesen sensus we Nduga sosaiti i konfisketim em i tok, em yet i wok long painim aut long tok tru bilong dispela.Tasol ripot ikam long BPS em i tok, aktivis o Nduga sitisen i kamap long nait taim long hap bilong populesen sensus opisa.
“Meanwhile mi tok long toksave long lokal level sekretari bilong Nduga, tasol bikos Pipels memba bilong ol ino stap yet long hap. Long infomesen bilong konfisket na ol arapela em mi no save yet long wanem nogat riten ripot we ol i givim long mi,” em i kliaim.
Em i tok moa olsem, stage bipo long dispela insait long wok bilong kisim populesen data, lain bilong em i mekim onlain sensus stat long Februari inap Mei 2020. Seken stage em manual sensus we ol wokmanmeri na opisa i go daun stret long fil na kisim data bilong ol pipel we ol i plenim pinis long kamapim long Julai 2020, tasol Covid 19 i mekim na ol i bin posponim dispela ikan inap Septemba 2020.
Bipo long dispel i kamap, long 15 September 2020, sampela Keneyam Sosaiti long Nduga i konfisketim ol dokumen bilong ol wokman bilong Populesen sensus 2020 wantaim risen ol i givim i olsem Sentral Gavman inogat konsen na ino lukluk yet long ol lain conflik viktim long Nduga long Disemba 2018 inap 2020 nau.
“Mipela ol lain Nduga tu sakim Otsus long boikot we i kamap pinis long 27 Julai long Keneyam. Long wanem igat viktim we TNI? Polri aparatus i sutim idai, Elias Karunggu na Selu Karungu, inkludim ol arapela militri operesen we i kamap long Nduga, na nau tu i kamap wantu tasol we inogat sosialisesen bilong em, Populesen Sensus. Sentral na Lokal gavman ino bin harim krai bilong ol biklain manmeri husait i kamap konflik viktim, na nau laik kam long holim populesen sensus, olsem na mipela i sakim dispela,” dispela sitizen i kliaim long suarapapua.com, Tunde (15/9/2020)
Wankain olsem Renes, wanpela bilong Nduga Sitisen long Keneyam. Em i tok, Nduga em i olsem konflik na Militri operasional area. Bihain, gavman Gavman ino bin luksave na rispekim Yumen Raits bilong ol Pipel long Nduga na ino bin pulim bek militri bihainim askim bilong ol manmeri long Nduga, nogat ol i salim ol dispela sensus opisa long kam mekim populesen sensus.
“Mipela long Nduga planti i kamap viktim, tasol gavman ino bin lukluk long dispela na tu ino nogat konsen long lukluk long mipela liklik. Olsem na mas inoken make use long dispela momen long kisim data olsem. Ol wanem kain data tu olgeta mipela i sakim,” Renes i tok strong through long telfon.
Ripota: Onoy Lokobal
Edita: Elisa Sekenyap
