JAYAPURA, SUARAPAPUA.com — Nesenel gavman mas noken fosim laik bilong indijines Papuan Sosaiti long gohet wantaim mama lo namba 21 bilong yia 2001 we i toktok long seken volim bilong Spesol Otonomi nogat, ol i mas tingting gut na smat long kliaim na stretim hevi indijines Papuan i fesim.
Sepi Wanimbo, Seman bilong Papuan Baptais sios Yut, i toktok strong long pres rilis long Suarapapua.com long trinde, 8 julai 2020, long Jayapura, insait long Papua Provins.
Sepi i tok moa olsem, “As bilong spesol Otonomi antap long dispela graun (Papua) i bilong stretim edukesen sekta, helt sekta, ekonomi sekta na givim gutpela sindaun long ol manmeri inogat gutpel sindaun, tasol nogat tru, spesol otonomi ino karim gut kaikai nogat, emi givim moa hevi long manmeri.
“Long mama lo namba 21 yia 2001 igat lista bilong ol sapta istap we i kamapim tok promis na i givim hop long indijines Papuan. Promis na agrimen we ol i mandatim insait long dispela Indonesian Repablik mama lo we i toktok long protekim rekoknisen na olgeta rait bilong Papuan indijines, tru tumas empawamen na alainmen i fel olgeta. dispela spesol otonomi i disapointim, na bagarapim tru bel na sindaun bilong Indijines Papuan,” Sepi i tok.
Em i tok klia olsem, insait long dispela spesol otonomi era, planti indijines Papuan lusim laif bilong ol long han bilong ol sikiriti fos olsem ami na polis bilong dispela stet (Indonesia). Tasol sapos yumi luksave gut long impotens na velyu bilong stet filosofi “Pancasila” na nesenal moto bilong Indonesia “Unity in Diversity” Bhineka Tunggal Ika. Dispela filosofi na Stet Moto we i mas igat jastis, honesti na tok tru, tasol sori tumas dispela olgeta inogat velyu na impotens tru na nogat wanpla aplaiens bilong en tru long laif bilong Indijines Papuan.
Long dispela as tasol na Manmeri antap long dispela graun (Papuan) i no moa bilip long indonesian gavman insait long olgeta dispela polisi ol i kamapim, bikos Indijines Papuan oltaim i save rong long ai bilong mama lo na oda bilong stet weda ol ino asua. Olsem realiti yumi ken lukim planti insiden i kamap pinis tete, rasisim na injastis i wok long groap moa,na kamap strong pinis long dispela spesol otonomi era,wedispela ol insiden i bin kamap ples klia olsem dispela rasisim insiden i bin kamap long 15 igo inap 17 de bilong mun Ogas 2019 long tripela bikpela siti long Indonesia; Semarang, Malang na Yogyakarta, we sampela radikol oganaisesen olsem; Fran Muslim Sapota (Front Pembela Islam-FPI), Pancasila Yut (PP), ami memba na komunikeisen bilong ol pikinini bilong ol retaia stet ami (Komunikasih Putra-putri Purnawirawan TNI (FKPP),” em i tok.
Sepi Wanimbo i tok moa olsem, as bilong hevi bilong dispela graun (Papua) i klia olsem, ino long nau yet i kamap, nogat, ibin kamap pinis eli long 1965 na ikam olsem, stet vailens na rait bilong manmeri ol i abyusim, i bikpla tumas inap long dispela de, edukesen, helt na ekonomi sekta bilong Indijines Papuan, diskriminesen na bosim tru rait bilong Indijines Papuan.
Em seken volim i ting olsem Indonesian gavman i gat gutpela ekspiriens we i bin stretim dispela konflik long Aceh long toktok tasol (dialogue), we yupela sindaun wantebel long kibun na toktok wantaim GAM Aceh na i karim kaikai bilong en. Wantaim dispela ekspiriens mipela Indijines Papuan tu askim, wanpela rot tasol long stretim hevi mipela igat long en, long painim gutpela solution bilong kamapim gutpela sindaun bilong Indijines Papuan, we mipela i save beten na hop long en, em long toktok wantebel (dialogue) tasol. Sepi i tok moa.
Moa long dispela, foma president Yusuf Kala i bin pleyim gutpela pat na ektif long sapotim dispela kibung wantaim GAM Aceh we Intenesenal i medietim. Olsem long dispela as mipela tu laik sasim Indonesian gavman long holim kibung na toktok wantebel wantaim United Liberation Movement Of West Papua (ULMWP) we i mas igat namba 3 pati husait i neutral.
Bipo taim, Minista bilong intenesenel Afeyas (Internal Affairs) Tito Karnavan i tok, i gat tupela mekanisim bilong ekstenim Spesol Otonomi fand (Moni) we bai i pinis long en bilong neks yia. Tasol bikpela samting em olsem, pastaim tru mas putim dispela lo insait long Nesenel Lejislesen Program (Prolegnas).
“Mipela sapmitim pinis long seken(II) Komisen long putim igo insait long Nesenel Lejislesen Program(Prolegnas) 2020. Bai olsem wanem (Spesol Otonomi Fand long 2021) bai mipela yusim wanpela bilong dispela tupela mekanisim “Bottom Up” o “Top Down”. Minista bilong Hom afeyas (Internal Affairs), i mekim dispela toktok taim ol i holim kibung long opis bilong namba tu Presiden long Medan Merdeka Utara street, Jakarta long trinde (5/2).
Long tingting bilong Tito, dispela “Botom Up” em bilong harim benefit long Helt kondisen bilong ol pikinini long ples Korowai (2017)we helt kondisen ibin daun taim Spesol Otonomi i stap yet ikam inap nau. (Agus Pabika-SP).
bel na ingaut bilong indijines Papuan, bai olsem wanem long hariapim divelopmen long hap bilong ol. Bihain narapela mekanisim “Top Down” em i olsem gavman mas praitasim tingting bilong ol long stap bilong ol, wanem bel tingting bilong ol aninit long Indonesian gavman.
“Wanem kain ol tingting bilong divelopim Papua, mipla bai i notim, Tito i tok;.
Pewarta : Agus Pabika
Editor : Arnold Belau
Penterjemah: Sandra Wally
