JAYAPURA, SUARAPAPUA.com —Tingting i stap strong olsem Nesenel Indonesian Ami (TNI) sutim i dai Pasto Yeremia Zanambani, S.Th. Long infomesem we media i kisim, dispela sot i kamap long sarere 19 Septemba 2020.
Pt. Yeremia em i eks Siaman bilong ol GKII sios insait long Hitadipa distrik, namba tu siaman bilong Moni Buk Baibel transleta (tanim tok) na tu Siaman bilong STA Hitadipa.
Komuniti memba long Hitadipa husait i no laik long tokaut long aidentiti bilong em long media i truim tok olsem igat gan sut insiden we i kilim wanpela siviliens.
“Dispela Papa (Alm. Yeremia Zanambani) i go long Bomba. Ples ino longwe long Hitadipa bilong givim kaikai long ol pik long banis. Bodi bilong em bihain ol i painim long moning wantem kondisen we em i kisim bagarap long han we ol i katim long busnaip na tu sutim.
Kronologi ves bilong ol famili
Asde sarere 19 Septemba, Pt. Yeremia wantaim meri bilong em i go long Bomba [banis pik] long givim kaikai long ol pik.
Bihain long givim kaikai long ol pik, meri bilong em i askim Pt. Yeremiah long go bek long haus. Tasol Pt. I tok em i no inap long igo inap em i lukim ol pik i kaikai pastaim. Olsem na meri bilong em i go pas long haus.
Bipo long dispela i kamap, ol memba bilong TNI i givim strongpela remainda long olgeta komuniti olsem mas hariap long givim bek tupela gan we ol TPNPB i kisim bihain long ol i sutim dai TNI memba husait i wok long Hitadipa Koramil pos.
As bilong infomesen bilong suarapapua.com i tok, wantaim dispela risen long ronim na painim man husait i sutim dai memba bilong ol na tu painim tupela gan we ol i kisim long ol TNI memba ol i sutim long em, ol TNI memba i bihainim Pt. Yeremia igo long pik banis bilong em.
Long banis pik, ol i katim Pt. Yeremia wantaim sap tul. Bihain ol i sutim inap em i dai long banis pik bilong em i stap long Bomba.
Bikos long moning Ps. Yeremia ino kamap long haus yet, ol hauslain bihainim em i go long sekim em. Tasol, taim ol i kamap long hap, ol i painim bodi bilong em islip natin inogat tewel bilong em.
“Bihain ol hauslain i karim bodi bilong em i go bek long Hitadipa na nau ol planim bodi bilong em,” em i tok.
Wanpela Pt.,Siaman bilong ol GKII sios long distrik Hitadipa husait i mekim stadi tu long STT Hitadipa i holim matmat bilong Pt. Yeremia long Hitadipa wantaim arapela tupela yangpela man na sampela ol mama.
As bilong infomesen i tok, inap nau, sekuriti kondisen long Hitadipa distrik i no sef. Olsem na, bihain long matmat bilong Pt. Yeremia, ol mama bai i go painim hap we i sef long Sugapa bilong istap pastaim.
Inap dispela nius ol i brotkastim tu, ino bin gat konfem toktok bilong ol sukuriti fos, Polri o TNI.
Ripota : Yanuarius Weya
Edita : Arnold Belau
