JAYAPURA, SUARAPAPUA.com — Indonesian Batalion Infantry PR 433/JS, Komanda Major Infantry Yudy Adriyan i klemim olsem inap long 20-pela eks memba bilong Fri Papua Movement (OPM) Areal VIII Intan Jaya long ples Jopura insait long Ugimba distrik, long Sarere, 20 de bilong mun Jun, i tokaut olsem ol i givap na gobek long Indonesian Republik na ino moa joinim Fri Papua Movement (OPM).
Indonesian Nesenel Ami (TNI) i klemim tu olsem namel long dispela 4-pela mun bihain long Task Fos aninit long komand bilong Yudi Ardiyan, ol i go insait na bosim ples Joparu, ples we pastaim tru i stap olsem ples bilong Piskiping Operesen (OPP),dispela hap nau kamap hap we inogat moa distebens bilong ol dispela Grup (OPM).
Major Infantry Yudy I klemim tu olsem bipotaim long kam bilong Batalion Infantry PR 433/JS Task fos, asples bilong ples Joparu i bin istap antap long intimidesen presa we dispela Fri Papua Movement i stap namel long ol i bin opresim na planti taim save bagarapim sindaun na tu stilim abus kaikain na welt ol i gat na tu repim ol yangpela pikinini meri.
Infantry Major Yudy Ardiyan i tok, asples manmeri bilong ples Joparu husait i bin stap insait long dispela Fri Papua Movement grup (OPM), Komanding areal VIII, Intan Jaya, aninit long komand bilong Lidaman Komanda Sabianus Waker, i hostim dispela event bilong givim ol yet i gobek long State bilong Republik Indonesia na mekim strongpela promis olsem i nonap tru long sapotim ken dispela Fri Papua Movement (OPM)
Nesenel Indonesia Ami i notim nem bilong gavman wokman long Intan Jaya husait ino bin istap long hap ples we Nesenel Indonesian Ami bin fosim asples man long mekim tokpromis na stap beltru wantaim indonesia em, Infantry Major Ardyan Saputro na subseksen het bilong Pablik Relesen, Rido husait ino bin stap na wok wantaim long dispela event.
I tru 20-pela memba bilong Fri West Papua Nesenal Ami (TPNPB) givap?
As bilong infomesen ikam long suarapapua.com long ples Joparu, husait ino laik long tokaut long nem bilong en, i sakim tok na i tokaut tru olsem dispela infomesen Nesenal Indonesian Ami bin givim ino tru.
Bikos trupela as tok em i olsem, Nesenal Indoneisan Ami i fosim ol relisen lida man, gavman wokman, Hetman bilong ples na na opisial bilong en, na tu ol sumatin husait i stap long Yunivesiti na tu Praimeri na haiskul level wantaim. Bihain lo dispela i kamap nau ol i klemim tru olsem ol dispela lain em ol memba bilong Fri West Papua National Ami, long VIII Komanding Areal long Intan Jaya.
Em i tok kilia olsem disela event em i bin kamap lo Fraide, 19 de bilong mun Jun 2020. We long dispela taim Infantri Batalion PR 433/JS Task Fos Komanda , Infantri Major. Yudy Ardiyan wantaim ol memba bilong em i bin fosim na intimidetim ol dispela 20-pela man. Ol i tokim ol i mas igo na bung long sios giraun, bihain fosim ol long mekim tokpromis long tanim bel na mas tingting long stap beltru wantaim Indonesia.
Infomesen we Nesenal Indonesian Ami i givim ino tru. Dispela taim Nesenal Indonesian Ami i bin fosim dispela 20-pela manmeri long bung long Gulanggama Katolik sios giraun. Bihain ol i fosim ol long ridim sotpela teks we Ami yet i raitim pinis, na mekim tru olsem ol memba bilong Fri West Papua Nesenel Ami (TPNPB) long Komanding Areal VIII Intan Jaya.
Long kliarim dispela giaman infomesen, narapela astok ikam long Vois bilong Papua, husait i asples tru bilong ples Sugapa husait les long autim nem bilong em tu, i tokaut long Suarapapua.com, long wankain toktok namba wan witnes man i mekim. Em i tok kilia olsem dispela event in no kamap long 20 Jun 2020 olsem Salampapua.com i bin rilisim, nogat, dispela event em i kamap long 19 de bilong mun Jun 2020.
Em i tok kilia olsem, taim manmeri i wokabaut igo long maket long Yokatapa, Ami i kolim ol na tokim ol long go bung arere long Galunggama Katolik sios giraun. Emi tok, i tru olsem Task fos komanda bilong Infantri Batalion PR 433/JS, Major Infantri Yudy Ardiyan na ol ami memba bilong em i singautim ol dispela 20-pela man. As bilong singaut emi bilong pilai gaple gem, na tu long sait bilong dispela, ami i redim 5-pela kakaruk we ol bai i kukim na kaikai wantaim dispela 20-pela man.
| NO | NEM | INDONESIAN AMI
I KLEMIM WOK BILONG OL |
PAPUA VOIS
I KLIARIM WOK TURU BILONG OL |
| 01 | Melkias Tipagau | Wok olsem admin opisa na fan raising kam long gavman | Wokman bilong gavman, wok olsem staf bilong distrik Hitadipa na tresera bilong Ples Joparu |
| 02 | Oto Tigau | Ai man bilong Fri Wes Papua Ami (OPM) long ples Joparu na tu man bilong kipim gan stok | Hetman/Kodineta bilong Fan raising sekta bilong Ples |
| 03 | Markus Sani | Komanda bilong Trups long Tanah Merah na Joparu | Yut man bilong Ples. Em i brata bilong Late Kayus Sani Indonesian Ami bin sutim dai long eli februari 2020 long ples Joparu yet. |
| 04 | Enous Kobogau | Kandere man bilong Markus, Deputi Komanda bilong Tanah Merah na Joparu | Asples man nating long ples |
| 05 | Jemmy Kogoya | Hetman bilong Ugimba traib na Moni Sponsa bilong Fri Papua Movement | Nem turu bilong em, Jemmy Kobogau na ino Jemmy Kogoya. Jemy Kopogau em Chief Lida (Hetman) bilong ples Pigabu insait long Ugimba distrik |
| 06 | Benias Kogoya | Hetman bilong Ugimba klen, Gan eksekuta long salim ga i go long ples Ugimba | Nem turu bilong em, Penias Kogoya. Em i wok olsem Sekreteri bilong ples Ugimba long Ugimba Distrik yet. |
| 07 | Nathan Kobogau | Hetman bilong Bulapa klen olsem Bolapa niupela post komanda na moni na amonisen (bulet) sponsa | Hetman bilong Bulapa klen na Siaman bilong Galunggama Katolik Sios. |
| 08 | Jonial Kobogau | Pikinini bilong Nathan olsem dilaman bilong baim amonisen (bulet) | Junia Haiskul Sumatin |
| 09 | Marlon Kobogau | Dilaman bilong baim amonisen (bulet) | Praimeri Skul Sumatin |
| 10 | Deminius Tipagau | Fri Papua Movement Operesen komanda | Nem turu bilong em, Demianus Tipagau. Asples man bilong ples Joparu |
| 11 | Yohan Kobogau | Man bilong karim tok na tu painim aut infomesen. | Praimeri Skul Sumatin |
| 12 | Dekinius Kogoya | Tresera bilong Fri Papua Movement (OPM) long ples Ugimba | Nem turu bilong em, Dekinus Tipagau. Em i yut man na pinisim 3rd Diploma bilong em long (alumi/eks sumatin) long STIE Port Numbay Jayapura |
| 13 | Damianus Kobogau | Memba bilong Fri Papua Movement | Yangpela bisnis man long ples. |
| 14 | Paulus Sani | Man bilong givim stia tok | Gavman wokman (Opisa) bilong Komuniti Empawamen Dipatmen long Intan Jaya Distrik |
| 15 | Luki Magai | Memba bilong Fri Papua Movement | Hetman bilong ples Dukendomba long Ugimba distrik |
| 16 | Yopie Tipagau | Aiman (Spai) na tu moni Sponsa | Nem turu bilong em, Yopi Kobogau. Em i pinisim skul, graduet wantaim 3rd Diploma long helt na Nesing skul long Jayapura Dsitrik (Sentani) |
| 17 | Yeosup Tipagau | Memba bilong Fri Papua Movement | Pablik Administresen sumatin bilong Paradais Yunivesiti (UNCEN) Jayapura |
| 18 | Martinus Kobogau | Memba bilong Fri Papua Movement | Asples man bilong ples Gamagae |
| 19 | Gabriel Sani | Olsem Man bilong givim stia tok | Bod Memba bilong Galunggama Katolik Sios |
| 20 | Yunus Kobogau | Memba bilong Fri Papua Movement | Seketeri bling ples Joparu long Sugapa distrik |
Long sait long dispela 20-pela man i stap, Indonesian ami tu bin kolim ap ol Hetman bilong Ples Lukas Tipagau (Village Chief), na Hermanus Kobogau (Deputi lida bilong) GKII Sios long Sugapa na tu 2-pela man i go pas long Semual Tipagau na Janius Tipagau.
Â
Ripota : Arnold Belau
Tanim tok: Sandra H. Wally
