JAYAPURA, SUARAPAPUA.com— Siaman bilong Fri Papua Oganaisesen-West Papua Nesenal Liberesen Ami (OPM-TPNPB), Jeffrey Bomanak i singaut long Indonesia long givim demokrasi spes na bai ol Manmeri bilong West Papua i detemainim.
Long tingting bilong Em yet, em i tokaut long suarapapua.com long Sarere (7/18/2020) long Papua New Guinea (PNG)
Dispela stetment Jefrrey i mekim bilong bekim toktok bilong Papua Police Chief Komanda, Paulus Waterpauw, husait i bin mekim nek olsem em ino wanbel long dispela Petisen bilong Papuan Pipel (PRP) we 24pela oganaisesen i launsim. Dispela PRP ol i launsim em i bilong invaitim ol manmeri long sakim suruk moa (ekstensen) bilong Spesol Otonomi II Volim.
Dispela rejeksen bilong suruk moa bilong Spesol Otonomi i kamap bikos Papuan Pipel ino pilim benefit bilong em, nogat, na tu wanem Mama Lo No. 21 bilong 2001 makim spesol otonomi ol ino lukluk na bihainim. Eksampel establismen bilong human rait kot, establimen bilong tok tru na rekonsiliesen Komisen (TRC) na sampela moa.
Long stetmen, Bomanak i askim gavman bilong Indonesia, Presiden, Ol Nesenel Polis chief,ol Nesenel Ami Komanda, West Papua na Papua Militeri Komanda, Papua na West Papau regional Polis Chief long givim spes bilong Demokrasi long ol Pipel long Papua i ken detemainim laik na tingting na wis bilong ol yet.
Indonesia mas givim spes long pipel bilong Papua, bai ol i ken tokaut ol yet, long wanem ol i laikim Spesol Otonomi long suruk moa yet wantaim seken volim o nogat, bihainim Lo bilong Intenesenel. Bomanak i tok klia.
Bomanak i mekim tok tu olsem Indonesia gavman i olsem kantri we pas wantaim Demokrasi sistem na bai klia long stretim problem bilong Papua wantaim transparen, bel tru na stret long respon long ol aspiration bilong ol sivil manmeri long Papua olsem ol manmeri husait igat olgeta rait long Papua Rijen, bilong ol yet.
Olsem demokratik Kantri, Indonesia mas soim dispela demokrasi bilong em, dispela em mas soim long ai bilong Papua na long olgeta hap giraun, olsem em i rere long toktok wantaim West Papua long Intenesenel level, bikos hevi bilong Papua em i hevi bilong Intenesenel we ol i no stretim yet. Em i tok moa.
Em i tok, OPM-TPNPB i sakim pasin bilong Indonesia we ol i larim militri Pawa igo pas, teror na intimidesen long ol lain Papua bihain long sampela muvmen ol i mekim bilong sakim dispela seken volim bilong Spesol Otonomi, dispela em ino stret.
Em i tok moa olsem, Sapos sampela eksen i kamap ino stret we Indonesia laik pasim dispela aspiresen bilong ol manmeri, dispela em ol bai kamapim narapela konflik ken we OPM-TPNPB bai askim involvmen bilong Intenesenel long stretim dispela hevi bilong Papua.
Stragel bilong Papua Sivil Oganaisesen igat pisful na respekful stragel long implementim humaniterian, demokrasi, kastoms na tok bilong God. Olsem nau, Indonesiat tru long Papua rejinal Polis Chief, mas kamap solusen bilong akomodetim askim na deman bilong ol manmeri bilong Papua long gavman bilong Indonesia, em i pinisim tok.
Sampela taim igo pinis long dispela media, Polis Chief bilong Papua rejinal, i mekim tok olsem em i rejektim petisen bilong Pipel bilong Papua, we 22 pela oganaisesen i launsim wantaim sapot bilong Fri-West Papua na Solidariti bilong Timor Leste bilong Papua. (*)
