JAYAPURA, SUARAPAPUA.com — Sakim Spesol Otonomi (Otsus) long Papua i wok long kam yet long olgeta lain long Papua, stat long gavana, Papuan Pipel Asembli (MRP) Papua na West Papua, ULMWP,FRI-WP,WPCC, Papuan Solidariti bilong ol Meri, Yut na Sumatin wantaim Aksen Komiti bilong sakim Otsus long Jakarta.
Pasto Alberto John Bunay,Pr, igo pas long ol Indijines Pasto long Papua Rijen,na 5pela Diocese long Papua, i eksposim sampela objeksen bilong sakim Otsus insait long pres konfrens long Abepura, Papua long 21 Julai 2020.
Sampela respon bilong Papua Pipol, we dispela 57pela indijines Pasto i notim;
Lukas Enembe – Gavana bilong Papua
Refusal bilong Otsus ikam long Gavana bilong Papua. Lukas Enembe i toktok strong olsem bai i givim bek dispela Otsus Fund long Sentral Government, bikos parti bilong em oltaim i save stap aninit long saspek na ol i save pilim olsem oltaim intimidesen i save kamap long ol.
“Otsus Fund em i liklik tumas, moa beta mipela i givim gobek. Otsus Fund em i nonap tru long fandim divelopmen long Papua. Tingim tasol, 100 million Rupia, dispela amaun em bai inap long bildim 2pela bris tasol long Sentral Maunten Rijen long Papua.” Enembe i mekim dispela tok long Provinsel Gavana Opis long Jayapura 19 Oges 2020.
Enembe i tokaut olsem, isait long lidasip bilong em, 80% bilong Otsus Fand, Rijenal opis i bosim, na 20% tasol, Provinsol Opis i bosim. Wantaim strongpela hop olsem senis bai i kamap long pipol bilong Papua, tasol nogat tru. Na tu sampela isu i bin kamap bilong diskreditim ol lidaman long Papua.
Papuan Pipel Asembli (MRP)
Narapela refusal bilong Otsus II volim i kam long Papuan Pipol Asembli (MRP) Papua na West Papua, we long plenari disisen, ol i pasim tingting olsem, fes, Fulfimen bilong Konstitusenal raits bilong indijines Papuan insait long rekrutmen bilong politik,rileited wantaim nominesen bilong Rejents n Deputi rejents long Papua na West Papua. Bihain, proteksen bilong Legal Lo na Human raits long Indijines.
Tri (3) Human Rait proteksen long olgeta sumatin long Papua na West Papua husait i mekim stadi long olgeta hap bilong Indonesia (NKRI). Foa, witdroim Spesol Otonomi lo plen bilong Indonesia gavman long Papua na West Papua.
MRP Papua na West Papua tu i kamapim wanpela rekomendesen, we ol i askim gavman bilong Indonesian long holim kibung na toktok wantaim ULMWP bilong pinisim dispela hevi wantaim bel isi na dikniti we mas wok bung wantaim namba tri parti long mediesen.
Ekseketif Dairekta bilong ULMWP
Refusal bilong Otsus tu i kam long Unaited Nesen Liberesen bilong West Papua. Eksekutif Dairekta bilong ULMWP Markus Haluk i tok, ULMWP bai komit moa long stragel long kamapim Self Deteminesen, bihainim visen na misen (driman) we ol i gat long sapotim Pipol bilong West Papua na ol wan kantri Melanesian.
“Lainim long ekspiriens Papua Pipop i kisim, olsem na nau ol i sanap strong wantaim stens Stopim tok giaman long dispela Spesol Otonomi konfekseneri bilong koloniel Indonesian we i giamanim tumas West Papua Komuniti,” em i tok.
16 pela Oganaisesen long West Papua
Refusal bilong II Volim bilong Otsus tu i kam long 16pela Oganaisesen. Long respon bilong eksten bilong II Volim bilong Spesol Otonomi,16pela oganisesen i sakim Otsus na i askim long launsim dispela Petisen bilong sakim otsus long manmeri long olgeta hap bilong Papua.
“Ol i askim olgeta Parti long toktok long Otsus long wanem, bai iken givim bek long ol Pipol bilong detemainim.” Telekonfrens long Jubi media we Sinia Junalis Vicktor Mambor yet i bin fasilitetim. (suarapapua.com 5 Julai 2020 -1.24 Papua Taim)
Indonesian fran pipol bilong West Papua
Moa long dispela, Refusal biling Otsus II volim i kamap long Indonesian Fran Pipol bilong West Papua (FRI_WP), we maus man, Surya Anta Ginting long launsing bilong Petisen we Papua Pipol i sakim Otsus.
“Wanpela aksen we FRI-WP, i singaut long olgeta Non-Papua na Papua long mas sanap wantaim Indonesian Fran Pipol bilong West Papua long sakim eksten bilong Otsus, na givim Self deteminesen olsem Demokrasi solusen long Pipol bilong Papua.”
Sios Kaunsel
Refusal bilong II volim bilong Otsus tu i kam long ol Hetman bilong ol sios, na ol sios Kaunsel (WPCC), bikos dispela em i wansait plen.
Long Pres rilis konfrens, long 5 Julai 2020, ol lidaman bilong sios husait i bung insait long ol Sios Kaunsel i kamautim yia refleksen olsem “God Papa otsus na Divelopmen bilong Indonesia long Papua i dai pinis.”
Ol i lukim ol promis bilong Indonesia gavman long ol manmeri bilong God long dispela graun, long Komuniti welfe nogat, em i kamap human disasta na kamapim hevi,safa, ai wara, blut kapsait ino gat pinis bilong em, na ol dai bun ol i tromoim nabaut long olgeta hap, ol Papuan i bin eksperiensim long graun bilong ol yet. Mipela i askim Indonesian gavman long Jastis, long stretim dispela hevi na dispela longpela konflik long Papua.
Papua Solidariti bilong ol Meri
Refusal bilong Otsus II voilm i kam long West Papuan Solidariti bilong ol Meri. Namba tu Siameri bilong Papua Solidariti bilong ol Meri, Naci Jacguelin Hamadi i tok, Ol Meri long Papua i no save tru long dispela Otsus Fand we ol i flasim long ol ples.
Dispela em i bikos, yus bilong otsus fand ikam inap long 21pela yia, planti taim gavman ino save involvim ol meri,olsem nau dispela fand mas i go bek ken long Jakarta, na sentral gavman iken givim dispela fand i go long arapela provins long Indonesia iken yusim,” Hamadi i tok, (Fonde 9/7/2020. Jubi).
Aksen Komiti bilong ULMWP
Moa long dispela, refusal bilong Otsus II volim ikam long maus man bilong ULMWP, Ice Murib i tok, Olgeta meri long Papua i sakim Otsus, bikos Planti bilong manmeri long Papua i tokaut pinis olsem Otsus i fel na i nogat benefit bilong em olgeta.
“West Papua Pipol i wanbel long sakim Lo namba 21 biong yia 2001, we i toktok long Otsus II volim na askim Indonesian gavman long givim refrendum long West Papua. Dispela em i solusen.” (Jubi, Fonde 9/7/20. Jubi)
Yuts na Sumatin bilong Yahukimo
Refusal bilong II volim bilong Otsus i kam long Yut na Sumatim bilong Yahukimo Distrik, kontens bilong singaut i bilong sakim Otsus volim II na askim long refrendum.
“Mipela ol Yut na skul sumatin long, Distrik Yahukimo i sanap strong, na i sakim eksten bilong Spesol Otonomi II Volim. Solusen em mipela i laikim refrendum long West Papua”, (info sosmed, 7 julai-14.09
Otsus Rejeksen Komiti long Jakarta
Refusal bilong II volim bilong Otsus tu i kam long Otsus Rejeksen Komiti Jakarta, long fran bilong Ministry of Internal Affairs long Indonesia
“Kontens bilong singaut i bilong sakim Otsus II volim, na tu long gavman i mas givim rait long Self deteminesen olsem Demokratik solusen,” dispela em i raiting istap long dispela bikpela bena, Tunde,14 Julai 2020, (Sind 8 news com. By Komaruddin Bagja Arjawinangun)
Long Pinisim tok, Long Indijines Papua, Otsus em i kaikai bilong 20pela yia i lus pinis, na dispela em i sting pinis long ol pipol bilong Papua. Sapos ol i ekstenim na givim manmeri long kaikai, dispela em i min olsem, em i poisin ol i givim na i no moa kaikai. (*)
