JAYAPURA, SUARAPAPUA.com— Planti olsem tu handred fifti seven (257) Nduga sivil sosaiti i bin lusim laip, long dispela dispela Pos operesen bilong Indonesian militri stat long 2 Desemba 2018 ikam inap 18 Julai 2020. Long as bilong gan kontek namel long TNI/Polri na Nesenel Liberesen Ami bilong West Papua (TPNPB) Fri Papua Oganaisesen (OPM.
Dispela i kamap long protes bilong Nduga sivil sosaiti long gavman bilong ol long Keneyam, Mande (27/7/2020) olsem kaikai bilong gan sut long tupela sivil sosaiti, Elias Karunggu na pikinini bilong en Seru Karunggu long 18 de bilong Julai 2020, sivil sosaiti na femili lain bilong 2pela viktim i hendim kofin long gavman.
Moa long pos operesen bilong Militri long Nduga, Rep keis tu bin kamap, na ol tausen sivil sosaiti i lusim ples na mas i go insait long bik bus long hait, inap nau i kamap olsem 1 yia 7 mun ol i hait. (2 Desemba inap long 18 Julai 2020).
Long nem bilong humaniti na solidariti bilong olgeta Nduga Komuniti komponen, 6pela askim tasol mipela igat long singaut long Presiden bilong Indonesian Republik, Ir. Haji Joko Widodo olsem:
- Indonesian Republik i mas responsibel long kotim na givim panismem long man husait i sutim idai Elias Karunggu,Selu Karunggu na Hendrik Lokbere long Keneyam Nduga
- Olgeta Nduga komuniti komponen i sakim II Volim bilong Spesol Otonomi
- Mipela i askim Presiden bilong Indonesian Republik long mas stopim dispela Post Militri operesen long Nduga Papua
- Mipela i Putim strongpela kes antap long ol dispela lain husait i sutim idai ol Nduga sivil sosaiti, long dispela mipela i toktok long Sekuriti Aparatus bilong Satgas Yonif 330 long mas gat responsibel long dispela
- Mipela i askim na singaut long intevens bilong Humaniti na long UN Kastomari Human Raits Kaunsel, Sios Kaunsel na ol arapela Human Raits institusen na Intenesenal NGO
- I mas igat Investigesen Tim long mekim wok painim aut long dispela Crime Scene, em Lokal Level Gavman, Sekuriti Aparatus (TNI/Polri), Nesenel Human Raits Komisen, NGO na ol arapela independen institusen. (*)
