JAYAPURA, SUARAPAPUA.com— West Papua Nesenel Libereisen Ami (TPNPB) bilong Fri Papua Oganaisesen (OPM) Kodap III Ndugama, i kleimim olsem ol i atekim TNI pos long Keneyam Baru maket, Nduga long Sarere, 5 Septemba 2020.
Dispela atek Kodap III trups aninit long komand bilong Bridjen Egianus Kogeya na fil Komanda, Perek Jelas Kogeya i wokim.
Sebby Sambom, mausman bilong TPNPB OPM i tok long taim bilong atek, TPNPB trups Kodap III long 4 kilok long moning taim tru i raunim TNI Post long Baru maket Keneyam, main taun bilong Nduga Rejensi.
“Long nambawan atek bilong ol, ol i kilim eitpela TNI memba stret long spot na long narapela sot bihain ol i mekim long TNI Pos ino bin igat kaunta-atek (paitbek) bilong ol birua (TNI) inap long 5:30 long moning,” Sambom i ekspleinim long pres rilis suarapapua.com, i kism long Sande (6/9/2020)
Sebby itok, long taim bilong atek, ino bin igat paitbek ikam long TNI troops long ol Kodap III troops inap long taim ol i lusim lokeisen bilong pait.
Sebby i edmitim, dispela tu Operesen Komanda bilong Kodap III Ndugama, Meya Pemne Kogeya Komanda bilong Kodap III, na Bridgen Egianus Kogeya i konfemim. Ol i tok olsem ol i kisim ripot kam long ol trups long fil husait i stap aninit long komand bilong Perek Jelas Kogeya.
Konfimesen bilong dispela insiden i kam long wanpela man long Keneyam, main taun bilong Nduga Rejensi, husait i as bilong infomesen long suarapapua.com.
“Yes, em i kamap long Keneyam. Insiden i kamap long Pasar Baru area, Keneyam, dispela man husait i as bilong infomesen i tok.”
Meanwhile, Letnan Kolonel Christian F.R Ireeuw, Dandim 1715/Yahukimo husait i save kontrolim Yahukimo na Nduga rijen taim suarapapua.com i askim long konfemim, em i tok infomesen ino stretpela infomesen.
“Gutnait. Em i no tru, Hoax”, Dandim i bekim tok olsem via sotpela toktok em i mekim long whatsapp, Sande (6/9/2020).
Ripota: Elisa Sekenyap
