JAYAPURA, SUARAPAPUA.com – Sentral West Papua Nesenal Komuniti (KNPB) i tok nogat long seken volim bilong Spesol Otonomi na singaut long Indonesia long givim aut refrendum long Papua.
Long strongim dispela toktok, Agus Kossay olsem Siaman bilong KNPB, i kamapim tok klia taim Suara Papua i kontekim em long Haus Kalabus lo Is Kalimantan, long Sarere de namba 18 bilong mun Julai.
Ino dispela tasol, long suruk moa (ekstensen) bilong dispela Spesol Otonomi, em i singaut long olegta manmeri i mas mobalaisesen, Sorong igo inap long Almasuh, bilong mobalaisim dispela Petisen bilong West Papua, long sakim dispela seken (II) volim bilong Spesol Otonomi na mas givim aut Refrendum long Papua.
“West Papua Nesenel Komuniti (KNPB) i dairekim olgeta Sentral (main), rejinel na konsulat bilong KNPB governing bodi, long ol i mas karim dispela wok meditesen, na karim aut dispela Petisen bilong ol biklain manmeri bilong West Papua, long sakim II Volim bilong Spesol Otonomi long Papua, we olgeta elemens bilong west Papuan Stragel, pablik, nesenel na intanesenel wantaim iken nominetim,“ em i tok.
Em i tok moa olsem, bikos II Volim bilong Spesol Otonomi inonap tru long stretim bel hevi (konflik) long Papua, nogat, em bai putim planti moa bel hevi na konflik antap long West Papua. Dispela em bilong abrusim bel hevi na ol arapela hevi namel long Papua na Indonesia.
Long dispela, Indonesia i mas givim fridom long West Papua long tokaut long as tingting manmeri gat long gavaman bilong Indonesia, long ol iken sanap long ol yet. Long dispela nau, biklain manmeri long West Papua i ken bungim na givim tingting wantaim long dispela politik konflik na status bilong surukim II Volim bilong Spesol Otonomi long Papua
“KNPB olsem media bilong ol manmeri long West Papua, i sapotim dispela promosen bilong petisen we olgeta Papuan Politikal Strugel movmen igatim dispela isu long sanap na sakim dispela II Volim Bilong Otonomi long Papua na askim gavman long harim tingting bilong ol biklain manmeri tru long mekanisim we iken givim bel isi (Pis) na Demokrasi. Refrendum tasol i bel isi (Pis) Solusen long West Papua”, Em tok ken.
KNPB i sapotim Petisen bilong West Papua Pipel
Taim toktok long Petisen bilong ol biklain West Papua, Agus i tok olsem, Petisen bilong ol manmeri em i politik pasin (atitut) bilong West Papua long namba wan (I) volim biong Spesol Otonomi we bai pinis long 2021, na tu pasin (atitut) bilong ol manmeri long ilegal okupesen bilong Indonesia gavman long 1963 ikam inap long 2021.
“Biklain manmeri long West Papua i bin kamapim tok wantaim na wanbel tru olsem, implimentesen bilong Spesol Otonomi volim I, i bin fel. Olsem nau, ol manmeri i strongim tru long sakim dispela II Volim bilong Spesol Otonomi na demanim Indonesia long mas opim yau na harim as tingting bilong ol biklain manmeri long srtetpela, pis na demokrasi mena long dispela mekanisim bilong Sanap long lek bilong ol yet na detemainim bihain bilong ol yet, “Kossay i tok.
Agus i tok klia olsem, KNPB i sakim suruk moa bilong Spesol Otonomi II Volim bikos, politikal konflik long kantri imas igat solusen bilong en long gutplea, pis na demokrasi wei,long legal makanisim, aninit long intenesenel legal supervisen long kamapim Pis namel long Papua na Indonesia, olsem bai Papua na Indonesia i kisim Jastis.
Lon 20pela yia bilong Lo bilong Spesol Otonomi long Papua planti i nogat planti jastis i bin kamap long ol manmeri. Espesli Human Raits vailens long Papua inogat pinis bilong en, na bai i kamap na kamap yet, na ino givim gutpela sinduan. Long dispela tasol nau na ol manmeri nau i sanap strong long sakim seken Volim, na laikim refrendum i kamap. Agus i klarim. (*)
